Promove e sentimentonan democratico a base di e principionan social-christian y e idea di esaki na e pueblo di Aruba en general y tambe en especial e hubentud;

Promove e respeto pa e derechonan di e ser humano como tambe su religion y filosofia di bida;

Promove di manera general e derechonan humano, e principionan democratico fundamental y e principionan di libertad, igualdad y justicia social, manera estableci den e Declaracion Universal di Derechonan Humano y e Tratado di Nacionan Uni y defini den tratadonan mundial y regional;

Conduci tur actividad den relacion cu e punto ariba menciona, pero no limita na nan, hasiendo investigacionan cientifico, resultando posiblemente den publicacionan cientifico, organisa congreso, seminario y workshops

Organisa actividadnan informativo cu respecto na e metanan;

Stimula e cooperacion entre instancia y gruponan na Aruba y den exterior, cu metanan similar.