|
ORANJESTAD - Dialuna mainta ultimo, directiva di Fundacion Estudionan Social Cristian, FESCA, a hasi un bishita di cortesia na Biblioteca Nacional Aruba. E meta di e bishita tabata pa presenta funccionarionan di e biblioteca cu algun ehemplar di e raport titula, "Salsa op klompen".
E publicasion importante aki ta describi y investiga e relacion entre Hulanda y Caribe Hulandes. Contrario na hopi otro raportnan esaki ta pone enfasis ariba aspectonan social-economico y cultural. E conclusion di e estudio ta pa promove un partnership permanente y mas intensivo entre e partnernan den Reino.
E raport a wordo publica pa "Het Wetenschappelijk Instituut voor het CDA", cu ta e instituto cientifico di CDA, cu tin relacionan di trabou hopi estrecho cu FESCA. "Salsa op Klompen" a conta cu contribucion di diferente cientificonan tanto di e parti Europeo di Reino como tambe di e parti Caribense. Presidente di FESCA, mr. drs. Richard Arends tambe tabata un di esnan cu a contribui na e estudio aki. mr. dr. Mito Croes a forma parti di e commission cu a presenta e rapport.
Ariba e combinacion di potretnan por mira mr.drs. Richard Arends entregando un copia di "Salsa Op Klompen" y dunando un splicasion di e perspectiva di raport na e representantenan di Biblioteca Nacional Aruba. |
