Juni 13 2008

ORANJESTAD -Siman pasa Fundacion Estudionan Social Cristian Aruba, (FESCA), a presenta nan ultimo raport titula "Desaroyo Economico di Aruba." E estudio aki ta e prome estudio macro-economico di Aruba desde añanan 80 y ta e prome parti di un serie cu lo studia diferente aspecto di pais Aruba, incluyendo Infrastructura y calidad di biba. FESCA ta di opinion cu economia, infrastructura y calidad di biba ta forma un unidad di tres parti cu mester ta den balanse. Esaki ta garantiza e bienestar y progreso di Aruba y su habitantenan. Den e estudio aki FESCA ta analisa, no solamente unda nos kier bay a base di nos ambicionan, pero tambe unda nos por bay segun nos logronan den pasado, capacidadnan y influencianan mundial.

Den un encuentro informal mr.drs. Richard Arends, presidente di FESCA a hasi entrega di "Desaroyo Economico di Aruba" na drs. Maria Dijkhoff-Pita, directora di e Direccion di Asuntonan Economico, Comercio y Industria di Aruba.

Sr. Arends a gradici sra. Dijkhoff pa su interes den e projecto grandi di FESCA aki y tambe a gradicie pa a accepta e rapport. FESCA a hasi su mes disponible pa coopera den e projecto “Nos Aruba 2025”. Di su banda Sra. Dijkhoff-Pita ta agradecido cu e gesto aki ja cu e ta contene informacion valioso cu nan mes lo por hasi uso di dje den e proyecto “Nos Aruba 2025”. E estudio di FESCA ta duna recomendacionan riba desaroyo economico di Aruba te cu anja 2020.

E raport di FESCA ta obtenibel pa download for di e website di FESCA: Click aki pa Download awor.

Bek Ariba